O Samsung Galaxy S23 FE chega a España

luns, 11 de decembro do 2023 Marcus Fernández

En outubro Samsung presentou o agardado smartphone Samsung Galaxy S23 FE, anunciando o seu lanzamento nos EE.UU., pero deixando en suspenso cando vería a luz en España, e por fin o temos aquí, a un prezo de 709 euros para o modelo con 8 GB de RAM e 128 GB de almacenamento, aínda que de xeito promocional o modelo con 256 GB de almacenamento ten o mesmo prezo.
Estamos ante un smartphone cunha pantalla Dynamic AMOLED 2X de 6,4 polgadas, un procesador de 8 núcleos, 8 GB de RAM, 128/256 GB de almacenamento interno, cámara traseira tripla cun sensor principal de 50 Mpíxeles (e un teleobxectivo óptico de 3x e 8 Mpíxeles), cámara frontal de 10 Mpíxeles, batería de 4.500 mAh con carga rápida de 25 watts por cable e Fast Wireless Charging 2.0, 5G, Wi-Fi 6E, Bluetoth 5.3 e mesmo resistencia á auga e ao po IP68.
Cómpre salientar que este teléfono chega cun procesador Exynos 2200, que é moi inferior ao Qualcomm Snapdragon 8 Gen 2 que inclúe o Samsung Galaxy S23, e que actualmente pode conseguirse máis barato.

PUBLICIDADE