O empresariado de Vilalba organiza un obradoiro de transformación dixital

A Asociación de Empresarios de Vilalba organiza, en colaboración coa Xunta de Galicia e a través do IGAPE, un Obradoiro de Transformación Dixital. Trátase dunha actividade formativa e dinamizadora dirixida a empresas, cooperativa e profesionais do sector agroalimentario e forestal (produción, transformación, distribución, venda, servizos, loxística, etc), aberto a outros sectores interesados (automoción, formación,etc).
O obxectivo é identificar necesidades non cubertas en dixitalización e mellorar a competitividade dos sectores a través da integración de ferramentas dixitais avanzadas; automatización de procesos para mellorar a eficiencia, ciberseguridade e medidas de protección, uso da intelixencia artificial, entre outros.
A primeira sesión será o martes 20 de xaneiro ás 16:30h no local da Asociación de Empresarios e levarase a cabo a inauguración do Obradoiro e presentación detallada do programa, así como unha presentación das axudas previstas para 2026 por persoal propio do IGAPE.
As seguintes sesións serán o 27 de xaneiro e 3 e 10 de febreiro (as datas e horarios poderán variar adaptándose á dispoñibilidade dos participantes).
O número de prazas é limitado polo que é necesario rexistrarse en liña.