O encontro internacional de ICANN ampara a sinatura dos primeiros acordos de rexistro de novos dominios

Esta semana está a desenvolverse en Durban (Sudáfrica) o encontro 47º de ICANN, organismo que regula os enderezos da Internet, e que inaugurouse cun deses momentos que quedan escritos na historia da Rede, como foi a sinatura dos 4 primeiros acordos de rexistro para adxudicatarios de novos dominios xenéricos de primeiro nivel (aos que tamén concorreu a candidatura galega da Asociación PuntoGal que nos vindeiros meses tamén realizará tal formalidade).
Os dominios de primeiro nivel que tiveron a honra de participar neste primeiro acto de sinatura corresponden a candidaturas que operaban con nomes de dominio internacionalizados (IDN), con preferencia no proceso (por ser pioneiros e partir dunha demanda histórica). Trátase dos novos dominios شبكة (web en árabe), онлайн (en liña en ruso), сайт (páxina web en ruso) e游戏 (xogo en chinés).
A creación de novos dominios da Internet é un proceso moi complexo, no que hai que coidar da integridade do sistema de DNS que resulta crucial para o funcionamento da Rede, establecendo tamén medidas para respectar marcas rexistradas e contribuíndo ao crecemento do negocio dos dominios da Internet.