O marketplace de Boqueixón nace como unha nova canle en liña de venta de produtos locais
martes, 2 de marzo do 2021
O Concello
de Boqueixón está
a impulsar un
proxecto para habilitar
un marketplace
co fin de dinamizar o comercio local.
Trátase dun espazo de venta en liña onde os distintos
establecementos poderán poñer á disposición do público os seus
produtos de forma gratuíta.
A nova situación á que se
teñen que adaptar os comercios locais por mor da pandemia é a
principal causa pola que se está a levar a cabo esta iniciativa, co
fin de potenciar así o comercio local e aumentar a competitividade.
“Con esta proposta pretendemos favorecer a creación doutras vías
de negocio para o noso pequeno comercio a través da Internet, nun
momento no que os hábitos de consumo están cambiando, e cada vez
estase implantando máis o comercio electrónico”, explicou o
alcalde de Boqueixón, Manuel Fernández Munín.
Co
fin de informar desta nova proposta, organízase unha reunión
explicativa na Casa da Cultura de Camporrapado o vindeiro 15 de marzo
ás 20:00 horas, coas restricións sanitarias actuais e aforo
limitado. Tódolos interesados en asistir deberán formalizar a
inscrición previa a través do enderezo electrónico
emprego@boqueixon.com.