Os cascos Oculus Rift deixan de funcionar
mércores, 7 de marzo do 2018
Usuarios do casco de realidade virtual Oculus Rift están a
ver como nas últimas horas os
seus dispositivos deixan de funcionar xa que unha das bibliotecas que
precisan para operar está asinada cun certificado caducado, fallo bastante
grave e que sorprende que teña lugar cun produto tan importante no ámbito da realidade
virtual e que é un dos eixes de Facebook de cara ao futuro.
Mentres o problema non se solucione, o único xeito de poder seguir empregando o
casco de realidade virtual parece ser a modificación
da data do equipo informático ao que se conecte, para que sexa anterior ao 7 de
marzo, que é cando o certificado dixital caduca, aÃnda que cómpre lembrar
que ese tipo de prácticas pode provocar problemas con outras aplicacións.
A recomendación de Oculus é esperar
a que publiquen unha solución oficial, acompañando tal consello cunha desculpa
polas molestias causadas ante o sorprendente fallo.