Os deseños web de Desoños, de novo entre os mellores do mundo
luns, 5 de xullo do 2010
“Calidade, innovación e eficacia no deseño” foron os tres principais criterios que o xurado
encargado de elaborar o Web Desing Index 9.0 deste ano, tivo en conta á hora de
incluir os proxectos innovadores da galega Desoños dentro dos 1.000 mellores do
mundo.
Esta firma, que na
actualidade conta con outras dez mencións neste índice web (dos máis
importantes a nivel internacional) que publica a editorial holandesa The Pepin Press,
foi seleccionada polos seus traballos para o Grupo de Teatro Chévere, Acuisost e The
Size, caracterizados todos eles pola súa limpeza e funcionalidade.
A liña de traballo
de Desoños baséase en buscar unha solución en liña axeitada para cada caso, así
como en desenvolvela no medio máis axeitado.
Para isto, conta con
varios departamentos que levan a cabo as actividades de identidade corporativa,
gráfica aplicada, deseño multimedia, programación, estratexia, planificación,
marketing, publicidade, deseño de espazos, exposicións, etc., que velan polo bo
resultado de cada proxecto que cae nas mans da entidade galega.
