Ozona Tech presenta Overa Activity, a súa plataforma de análise intelixente do posto de traballo

Ozona Tech, tecnolóxica con sede en Santiago, presentou unha nova e revolucionaria solución desenvolvida polo seu equipo de innovación: unha plataforma con tecnoloxía de Intelixencia Artificial e Aprendizaxe Máquina (Machine Learning) con importantes funcionalidades de uso para a análise do posto de traballo. Trátase de Overa Activity e, entre outras cousas, permite medir a interacción do usuario cos dispositivos do seu espazo profesional, proporcionando información obxectiva sobre a intensidade de uso destes traballos e detectando eivas de eficiencia.
Desenvolvida polo equipo de I+D da firma de orixe galega Ozona Tech, está especialmente indicada para as áreas de Recursos Humanos, IT e negocio. “O noso obxectivo”, explica a empresa, “é axudar ás compañías a mellorar de forma obxectiva a produtividade e a eficiencia ante o aumento do teletraballo e a transformación dixital. Esa procura da produtividade fai necesario o uso de ferramentas para a observación, rexistro e análise da actividade dos equipos nos dispositivos corporativos, sendo garantía para empresa e usuario”.
Segundo explica Ramón Ares, director xeral de Ozona Tech, trátase dunha solución multiplataforma e multidispositivo, que ofrece datos obxectivos de uso de dispositivos e aplicacións en dispositivos corporativos, cun tempo de implantación habitual de días ou semanas en función da complexidade do proxecto.
No caso de Recursos Humanos, os departamentos de xestión de persoal poden coñecer o nivel de desconexión dixital; os patróns e intensidade de uso de ferramentas para saber cales son as máis efectivas dentro da empresa; ou necesidades de formación.
En canto aos departamentos de IT, Overa Activity achega visualización de patróns de conectividade; analíticas do rendemento de dispositivos ou procesos; diagramas de explotación de dispositivos; ou detección de aplicacións perigosas ou patróns de uso de risco.
Finalmente, para as áreas de negocio, a solución desenvolvida por Ozona Tech permite realizar benchmarking das principais métricas de desempeño ou e establecer comparativas por sector, departamento ou dimensión, entre outras variábeis.