Pornhub abre unha sección dedicada á realidade virtual

Aproveitando o pulo actual da realidade virtual, a páxina web de vídeos pornográficos de balde Pornhub decidiu estrear unha canle de vídeos orientados precisamente á súa visualización en cascos de realidade virtual que van dende a avanzada tecnoloxía de Oculus Rift ata o uso dun smartphone dentro dun cartón de Google, facilitando así o acceso a estes contidos estereoscópicos nos que o vídeo responde aos movementos da cabeza do usuario e, aínda que anuncian que estamos ante contido de 360 graos, dado a natureza do material, realmente estamos ante vídeos de 180 graos, que buscan normalizarse como a evolución dos vídeos en primeira persoa moi habituais na industria do vídeo para adultos.
Aínda que os contidos ofrecidos dende Pornhub son de balde, realmente estamos ante unha selección de vídeos promocionais de BaDoinkVR, unha páxina web de vídeos pornográficos para sistemas de realidade virtual que só están accesibles para subscritores de pagamento, fórmula bastante razoable para un servizo que ten que producir contidos orixinais para poder adoptar a innovación do vídeo inmersivo.
Temos así dun claro exemplo de adopción temperá da realidade virtual, que non se trata de experiencias de realidade virtual puras, senón de aplicacións de uso das súas ferramentas para conseguir unha experiencia máis inmersiva a través do vídeo en 3D que non conseguiu callar nos últimos anos pese ao empeño da industria para intentar meter o 3D nos fogares.