Presenza galega nos galardóns do Premio Nacional Peme do Ano 2021

Unha empresa da demarcación da Cámara da Coruña foi a gañadora do accésit de Empresa Responsábel do Premio Nacional Peme do Ano 2021. Trátase de Teiga TMI, compañía especializada en servizos electromecánicos industriais, que participa decote nos programas de transformación tecnolóxica do ente cameral como FOEXGA, Xpande Dixital e Industria 4.0. Foi unha das seis empresas gañadoras na nova edición do dito certame, ao que se presentaron 1.770 pemes.
O acto de entrega de distincións foi presidido polo rei Felipe VI, quen destacou que as pequenas e medianas empresas “son a columna vertebral do noso tecido produtivo” e “a base da economía española”. O Premio Peme do Ano 2021 veu da man da Cámara de Comercio de España e o Banco Santander. O primeiro dos galardóns (Premio Nacional Peme do Ano 2021) foi dar a Seabery Augmented Technology,
Ademais da distinción a Seabery, entregáronse catro accésits nacionais: o de Internacionalización, o de Innovación e Dixitalización, o de Formación e Emprego, e o de Empresa Responsábel. Este último foi dar finalmente a Teiga TMI, empresa da da demarcación da Cámara da Coruña especializada en servizos electromecánicos industriais (solucións e servizos de enxeñaría, montaxe e mantemento mecánico eléctrico en sectores como o da enerxía, a industria e o alimentario). Desde 2019, Teiga TMI apoia o proxecto XE-mente, cuxo obxectivo é reforzar a autoestima e as competencias das persoas con diversidade intelectual e/ou funcional, a través do seu adestramento en materia de produción sustentábel e ecolóxica de produtos como herbas medicinais, árbores, flores, plantas ornamentais, hortalizas e froitas”.