R sube o prezo das súas tarifas móbiles

O operador de cable R continúa a incrementar o prezo das súas tarifas, chegando agora o cambio aos móbiles, intentando compensar o cambio de prezos cun incremento do volume de datos no móbil, que continúa sen contar co longamente prometido 4G, e que algúns rumores apuntan que podería chegar se finalmente R segue os pasos de Euskaltel, e abandona a cobertura móbil de Vodafone para apostar por Orange.
As novas tarifas móbiles de R entran en vigor o 1 de marzo, e aplicaranse automaticamente aos clientes actuais a partires do 20 de marzo, e promocionan o encarecemento do servizo nas tarifas planas cun importante incremento do volume de datos por unha suba de prezos bastante cativa, deixando claro que a R non lle interesa competir cos OMV que gozan de cotas de entrada moi baixas.
Coas novas tarifas a antiga plana 12 pasaría a chamarse plana 12, o que supón pasar de 1 a 1,5 GB de datos con chamadas ilimitadas aos números do mesmo contrato e 150 minutos ao resto de fixos e móbiles; a plana 20 pasa a chamarse plana 22, e por 22 euros/mes dobra os seus datos ata chegar aos 3 GB; a plana 30 pasa a ser plana 32, e por 32 euros/mes tamén dobraría o volume de datos chegando aos 6 GB (incluíndo estas dúas últimas tarifas chamadas ilimitadas a fixos e móbiles); e xorde a tarifa 0 3GB, que por 16 euros/mes contará con 3 GB de datos e chamadas a 0 céntimos/minuto + establecemento de chamada.
Neste novo escenarios manteñen as súas condicións a tarifa 0 e a tarifa 0 con 1,5 GB; a tarifa plana 40 pasa automaticamente a tarifa plana 32, a antiga tarifa plana 36 pasa á tarifa plana 32 e a antiga tarifa plana 25 pasa a ser plana 27 (con 4 GB de datos en vez dos 2 GB actuais).