Réplica do mando da SNES para a Nintendo Wii

A Consola Virtual da Nintendo Wii xa inspirou a creación dun mando semellante ao da Neo Geo e outros tipo arcade para que a experiencia de rememoración de vellos xogos descargables a través do servizo de Nintendo sexa máis realista, e uníndose a tal coleccións de accesorios chega agora ao Xapón un controlador de xogo para Wii coa forma do que se usaba coa SNES (tamén coñecida coma Super Famicom).
O novo mando sorprende por ser unha réplica case exacta do vello mando da Super Nintendo, o que agradecerán moitos usuarios, aínda que hai que pensa que resulta máis realista utilizar mandos orixinais empregando un adaptador para que funcionen na Wii.