Ritek Yego: tres portos USB nun único dispositivo

martes, 27 de marzo do 2007 Raquel Noya

Por fin chega unha idea que ten algo de xeito, logo de papármonos polos ollos centos de memorias USB de deseños innovadores (case sempre horteras, todo hai que dicilo) e con funcionalidades que se materializan nunha lanterna inútil ou nun camaleón que se pasea polo escritorio ou nunha bailarina que dá voltas sobre o seu propio eixo. A idea que propoñen os creadores deste novo modelo de memoria USB é abondo simple pero innovadora, e cremos que se lle poderá sacar máis partido ca (por exemplo) os patucos con MP3.
Neste trebello, os deseñadores inclúen unha dobre bifurcación para dotar de dous novos portos ó noso ordenador ou equipo no que o usemos. Preséntase en varios modelos de diferentes capacidades, dende 128 MG ata 4 GB, con alimentación a través do propio porto e especificación 2.0.

PUBLICIDADE