Sara Carbonero supera a Belén Esteban na Internet
xoves, 8 de xullo do 2010
As buscas na Internet son un xeito de tomar o pulso á actualidade, e en
España a raíña da web nos últimos meses non foi outra que a princesa do pobo Belén Esteban, o que vai parello á súa exposición televisiva e no papel couché, pero a febre do Mundial de
Fútbol de Sudáfrica e a relación sentimental co porteiro da Selección Española,
Íker Casillas, fai que Sara
Carbonero desbanque á ex moza de Jesulín de Ubrique.
Neste momento a busca «Belén Esteban»
amosa 627.000 resultados en Google, mentres que ao preguntar por «Sara Carbonero» son 897.000 os
resultados rexistrados; se contrastamos os resultados en Google News aínda hai
máis distancia, con 277 novas referidas á de San Blas e 1.025 á presentadora
deportiva de Telecinco, ou sexa, que Sara Carbonero é a española que está máis
de actualidade, aínda que fose por mesturar audiencias diversas (por aparecer
tanto en información deportiva coma no mundo do corazón).
Un dos vídeos da reporteira máis buscados na web é no que entrevista á súa parella sentimental, Íker Casillas
