Sony presenta un portátil pensado para o seu uso por fotógrafos

Pensando na edición de fotografías e vídeo Sony lanzará ao mercado xaponés a finais de mes un novo portátil VAIO tipo A que destaca especialmente por contar cunha pantalla iluminada por LED de 18,4 polgadas cunha resolución de 1.920 x 1.080 píxeles. Funciona cun procesador Core 2 Duo a 2,53 GHz, 4 Gb de RAM, 2 discos duros de 250 Gb cada un (e incluso un porto eSATA para ampliacións), lector de tarxetas CF (pensando para a rápida transferencia de imaxes), gravadora de Blu-ray, saída HDMI, Wi-Fi (IEEE 802.11n), tarxeta gráfica GeForce 9600M GT e unha serie de programas para o retoque fotográficos preinstalados.
Tras quedar impresionados polas prestacións deste equipo temos que comentar que un par de defectos, coma son o seu peso e prezo, pois pesa uns 3,9 quilogramos e se venderá a 320.000 iens (uns 1.920 euros). A súa autonomía tamén é un tanto reducida (2 horas) para esta gama de equipos.