Steve Ballmer presentou o HP Slate en La Vegas

Adiantándose ao tablet que supostamente presentará Apple o vindeiro día 27, Steve Ballmer fixo unha aparición estelar durante o CES de Las Vegas para amosar un HP Slate, un dispositivo cunha pantalla multi-táctil dunhas 10 polgadas que podería servir para a reprodución multimedia, a navegación web, a lectura, a videoconferencia e algún xogo, pero do que pouco máis pode dicirse, posto que non desvelaron ningunha das súas características técnicas, dando a entender que o produto está sen pechar, aínda que o que si temos asegurado é que funcionará con Windows 7.
Este novo equipo foi deseñado polo equipo de Voodoo (empresa adquirida por HP) é haberá que agardar para poder determinar se estamos ante un produto que poida competir co futuro dispositivo de Apple. No seguinte vídeo podemos ver cómo o promocionan polo momento: