Televés lidera un proxecto facer avanzar a dixitalización e a sustentabilidade nas Illas Baleares
venres, 5 de marzo do 2021
A
compañía galega Televés presentou estes días detalles dun
proxecto para impulsar o uso de enerxía sustentábel no sector
hostaleiro e o sector público das Illas Baleares. O
proxecto liderado por Televés chámase Circularidad e Hotel
NextGenEU. Segundo explica a empresa de telecomunicacións de
Santiago, a iniciativa conta cun forte apoio público-privado
(incluíndo ao Goberno Balear, municipios e entidades do sector). O
seu obxectivo concreto é transformar tecnoloxicamente
establecementos de Balears e edificios públicos de Eivissa en
inmóbeis de ceo emisións e altamente eficientes.
Para
acadalo, bótase man do concepto de circularidade enerxética,
aplicábel non só a un mellor uso da enerxía senón tamén ao
autoconsumo (por exemplo a recarga de automóbiles eléctricos).
Na
iniciativa Televés conta co apoio de actores colaboradores como son
o Consell de Eivissa, as principais cadeas hostaleiras das Baleares
(Iberostar, Grupo Piñero, Palladium e RIU) e empresas de referencia
na dixitalización e eficiencia enerxética dos hoteis (Televés,
AnySolution, Sampol e INETUM), ademais conta co apoio do Goberno
Balear, todos os Concellos de Eivissa e as principais entidades do
sector turístico balear.
Televés
explica que ao abeiro deste proxecto búscase “xerar un efecto
tractor sobre o turismo sustentábel, tendo un efecto chamada cara ao
resto da cadea de valor do sector turístico, pero tamén cara á
administración pública, favorecendo ademais a diversificación
económica cara a actividades tecnolóxicas e co obxectivo de
converter as illas nunha referencia europea de enerxías limpas.
Para
iso, Circularidad e NextGenHotel buscará a modernización do sector
turístico e o uso eficiente dos recursos enerxéticos como
principais obxectivos, “pondo o foco na oportunidade que supoñen
os avances en dixitalización, grazas aos cales lograranse
importantes aforros enerxéticos, ademais doutras vantaxes que inclúe
a proposta”, explica Televés.