Todo o que precisamos saber de Nest, nun curso de Vitae en marzo
martes, 15 de febreiro do 2022
En
marzo prosegue a tope a actividade formativa da firma galega Vitae
Consultores. Entre os cursos programados figura un curso que é un
complemento perfecto á nosa capacitación na creación avanzada de
aplicacións informáticas. Estamos a falar do curso Nest,
desenvolvemento de servizos Node a escala empresarial. Serán
18 horas de contidos, a impartir en formato de aula virtual a través
do 15, 16, 17, 22, 23 e 24 de marzo.
Segundo
explica a consultora Vitae, NestJS é un framework (un marco
de traballo para xerar software) para a materialización de
aplicacións de negocio que emprega o TypeScript como linguaxe
principal e engádelle todo un catálogo de utilidades orientado a
obxectos. Vitae explica que NestJS é cada vez máis empregado como
alternativa ou complemento para grandes proxectos.
Os
obxectivos do curso son os seguintes:
-Dar
a coñecer Nest como ferramenta e os seus posíbeis usos.
-Crear
unha API Rest baseada en Express.
-Acceder
a bases de datos dende Nest.
-Implementar
arquitecturas extensíbeis.
-Procesar
información de entrada e saída.
-Controlar
o acceso seguro aos recursos.
O
curso está dirixido sobre todo a programadores con experiencia
nalgunha linguaxe orientada a obxectos. Ten unha duración de
dezaoito horas de formación cun enfoque, en palabras de Vitae,
“eminentemente práctico”.
O
formador será Alberto Basalo, enxeñeiro técnico en Informática
con dúas décadas de experiencia como analista programador, xefe de
proxectos e formador en pequenas e grandes empresas. Basalo é, a día
de hoxe, socio director de AgoraBinaria e consultor asociado a Vitae
Consultores.