Twitter bota a vista atrás ao 2013

As principais plataformas en liñas están a comezar a facer o seu repaso do ano, e tras a restrospectiva de YouTube, temos agora a Twitter, que publicou un sitio web no que permite explorar os momentos máis destacados do presente ano, o que facilítanos a consulta cronolóxica (#2013) e por categorías (novas, lecer, deportes e mostrario), podendo refinar cadansúa sección e permitindo compartir ou incrustar na web eses contidos.
Deste xeito, podemos repasar rapidamente o que máis destacou en Twitter sobre a actualidade do mundo, os avances científicos que tiveron maior repercusión, os programas de televisión que causaron sensación, o que comentou a xente sobre a Liga de fútbol... e incluso uns chíos dourados nos que recollen unha serie de anotacións que xeraron moitos rechouchíos (como a nova do pasamento do actor Paul Walker ou a despedida a un dos actores de Glee que finou de sobredose).
Se facemos un repaso cronolóxico, podemos consultar o máis destacado mes a mes, estando entre os eventos máis recentes o tifón de Filipinas, o rapaz que disfrazado de Batman cativou o corazón dos veciños de San Francisco, o 50º aniversario do Doutor Who, ou o pasamento de Nelson Mandela.
Dende Twitter tamén publicaron un vídeo para anunciar este repaso do ano que está a piques de rematar: