Un bolígrafo que le contos a cativos

mércores, 30 de xaneiro do 2008 Marcus Fernández

Esta semana presentouse no congreso californiano DEMO 08 o Tag Reading System de LeapFrog, que é un dispositivo electrónico con forma de bolígrafo que permite que os cativos poidan gozar de libros de contos especiais sen a axuda dos seus pais, xa que narra a viva voz as historias baseándose para tal no recoñecemento de letras, palabras e símbolos impresos en cada páxina mediante unha sofisticada cámara de infravermellos.
Para cargar a narración no bolígrafo de LeapFrog os pais poderá descargar ficheiros de son da biblioteca Tag na Internet e cargalos nos 16 Mb de memoria incorporada no Tag Reading System.
Este orixinal lector custará 50 dólares, e cada un dos seus libros, 13,99 dólares, comezando este verán cun catálogo de 14 títulos.

PUBLICIDADE