Un xulgado de Ferrol sobresé a causa contra 3 páxinas web de descargas

Cando a Lei Sinde aínda está sen aprobar continúan a chegar sentenzas xudiciais que poñen en dúbida a creación de medidas que permitan o peche de certas páxinas web que os xuíces consideran que non constitúen delito, coma o sobresemento da causa contra as páxinas web estrenosdivx.com, limitedivx.com e limitetracker.com por parte do Xulgado de Instrución nº 3 de Ferrol nun auto que parte dunha denuncia dun particular ante a Brigada de Investigación Tecnolóxica do Corpo Nacional de Policía en 2006, que acadara certa repercusión mediática e que finalmente quedou en nada (como vén a ser a dinámica habitual neste tipo de causas).
Durante a operación policial contra as mencionadas páxinas web detivéronse a 10 persoas e clausuráronse 21 sitios web, aínda que no auto mencionado volve a incidirse no feito de que enlazar contidos non constitúe delito, de aí que a causa sobreséase de xeito provisorio.