Unha xornada no GaiásTech analizará o impacto nas empresas galegas da Lei de Ciberresiliencia

A Lei de Ciberresiliencia (CRA) mellora as normas de ciberseguridade dos produtos con compoñente dixital, esixindo a fabricantes e minoristas que garantan a ciberseguridade durante todo o ciclo de vida dos seus produtos para protexer a particulares e empresas que os adquiran e utilicen.
Trata de determinar que produtos son ciberseguros e como facer un uso seguro dos mesmos, o que esperta grandes dúbidas para empresas e desenvolvedores de software e hardware, e para afondar nas consecuencias para as empresas galegas o Centro GaiásTech vai acolles o vindeiro día 27 unha xornada que poderá seguirse presencialmente e en streaming.
Baixo o título A Lei de Ciberresiliencia: consecuencias para as empresas galegas, teremos un relatorio da avogada especialista en propiedade intelectual, Marelisa Blanco, ás 10:00 horas; ao que seguirá ás 11:15 unha mesa de date sobre Perspectivas da Lei de Ciberresiliencia e consecuencias para as empresas no que participarán Xavier Castaño de Igalia (en representación do eido empresarial), Malcolm Bain de Across Legal (representando ao eido legal) e David Marzal de KDE España e GNU/Linux Valencia (dando voz ao eido tecnolóxico e comunitario).