Vitae Consultores chega aos 21.000 profesionais formados

A consultora galega Vitae vén de facer balance da súa actividade formadora nas máis avanzadas tecnoloxías, recursos e metodoloxías para axudar aos nosos profesionais e empresas a ser máis competitivos, rendibles, innovadores, eficaces e eficientes, unha actividade (con cursos e obradoiros para profesionais e de formato interno para as empresas) que comezou xa hai 14 anos e que, coa chegada de pandemia, demostrou estar perfectamente preparada para adaptarse á nova situación, a través da Aula Virtual plenamente operativa dende marzo deste mesmo ano.
Segundo fai saber Vitae, a consultora foi quen de chegar á cifra dos 21.000 profesionais formados dende hai 14 anos, os últimos 1.000 a través da formación online en directo ou Aula Virtual, dende marzo de 2020.
En formación engloba as áreas de Operación, Xestión e Dirección, destacando os cursos de Dirección de Proxectos con Scrum coa súa 35ª edición que se vai a impartir agora en decembro, o Curso Power BI coa súa quinta edición, os Cursos de Machine Learning, de Testing con Angular, de React Avanzado, de Cadros de Mando de Recursos Humanos, de ITIL coa súa novena edición, o de Xestión de Proxectos con PMI® coa súa 21ª edición, o de Xestión do tempo en proxectos e equipos Áxiles, ou o de Clean Code coa súa 11ª edición, entre outros moitos.
Ademais Vitae excedeu a cifra dos 11.000 profesionais entrevistados nestes 14 anos para os seus procesos de selección, destacando o aumento de postos directivos e de xestión de proxectos neste ano.
A consultora tamén salientou no seu balance o desenvolvemento actual de todos os seus servizos en liña, tanto de formación como de selección, adaptándose ás necesidades de cada cliente e de cada situación