Vitae achega en xuño un curso de optimización avanzada de consultas con bases de datos Oracle
martes, 16 de maio do 2023
Vitae
Consultores vai celebrar no inicio deste verán, a través da súa
aula virtual, o
curso Optimización Avanzada de Consultas con BBDD Oracle,
dirixido a administradores e desenvolvedores de Oracle Database, o
sistema de xestión de bases de datos relacionais (RDBMS, polas súas
siglas en inglés) de Oracle, o fabricante estadounidense de software
e hardware. Serán 18 horas de formación, a celebrar os días 19,
20, 22, 26, 27 e 29 de xuño, en horario de tarde (de 16.00 a 19.00
horas).
O
curso introduciranos no concepto de SQL Tunning, que é o proceso
iterativo que mellora o rendemento das sentencias de SQL para cumprir
obxectivos específicos, medíbeis e acadábeis. Segundo informa
Vitae, o proceso garante que as sentencias SQL que xera unha
aplicación poderán executarse no menor tempo posíbel, consultas
SQL que poden ser optimizadas para un mellor rendemento futuro. Por
certo que SQL Tunning tamén implica solucionar problemas nas
aplicacións implementadas. “Pola contra”, sinala Vitae, “o
deseño de aplicacións establece os obxectivos de seguridade e
rendemento antes de integrar e poñer en marcha unha aplicación”.
A
persoa encargada de impartir estes contidos será José Ariza,
enxeñeiro técnico en Informática pola Universidade Politécnica de
Madrid, con experiencia de máis de 25 anos como formador e como
consultor tecnolóxico. É instrutor oficial da Oracle University
para impartir a especialidade formativa Oracle 2019 Administración
Autonomous Database e Machine Learning. É experto en administración
e optimización de bases de datos Oracle, SQL e Red Hat. Ten
asesorado e formado a empresas e entidades como a CPD da Policía
Nacional, Capgemini, Servicio de Salud de Canarias, Seguros Santa
Lucía, Accenture, TIC Getafe, Diputación de Jaén, Indra Software,
BBVA, IECISA, Garda Civil, Mapfre, Junta de Andalucía, Sacyr, TRAGSA
ou Línea Directa Aseguradora.