Vitae e Javier Garzás achegan un novo curso sobre metodoloxías áxiles centrado na figura do product owner
martes, 5 de outubro do 2021
Vitae
Consultores segue este outono ofrecendo formación especializada para
seguirmos avanzando treitos no camiño da excelencia profesional. A
través da súa aula virtual, a consultora galega achega en novembro
(os días 4, 11 e 18 de novembro) a
terceira edición do seu Curso de Product Owner e Axilidade Avanzada,
impartido polo recoñecido experto en tecnoloxías Javier Garzás.
Serán
oito horas de formación, directamente encamiñadas a converternos en
expertos en metodoloxías áxiles, unhas prácticas cada vez máis
presentes no desenvolvemento e a xestión de todo tipo de proxectos
tecnolóxicos (botando man, por exemplo, de Scrum, XP, Crystal Clear,
etc). Os obxectivos deste curso son afondar nas técnicas e
específicas da figura do product owner
(profesional encargado de maximizar o valor dunha solución xerada
nas empresas a partir de metodoloxías áxiles). Ademais,
comentaranse as leccións aprendidas, as experiencias e as
recomendacións de ter participado en ducias de implantacións desta
metodoloxía.
O
curso, que proporciona 20 PDAs que acreditan o coñecemento para
levar a cabo un desempeño profesional como product owners,
correspóndese a unha ampliación da actividade formativa Xestión
Áxil de Proxectos con Scrum, tamén de Vitae.
Está
dirixido a directivos, xefes de proxecto, product owners,
scrum masters, responsábeis de
calidade, responsábeis da mellora dos procesos de software,
consultores, avaliadores, auditores informáticos, persoal de
xerencia da área de Tecnoloxías da Información (TI) ou, en xeral,
profesionais das Tecnoloxías da Información e a Comunicación
(TIC).
A
persoa encargada de impartir os contidos é Javier Garzás, doutor
cum laude e enxeñeiro superior en Informática. Con estudos
post-doutorais e investigador convidado na Universidade Carnegie
Mellon dos Estados Unidos (onde desenvolveu tarefas de investigación
en metodoloxías áxiles), é experto en equipos profesionais e en
recursos innovadores para a materialización de proxectos avanzados.
Até o de agora ten axudado a máis de 80 empresas a mellorar os seus
procesos de xestión e traballo. A día de hoxe é profesor titular
na Universidade Rei Juan Carlos. Adícase a axudar a empresas que
fagan mellor software (en tempo, con produtividade, con calidade e
con felicidade). É autor do blog www.javiergarzas.com,
que conta cunha media de 2.500 visitas diarias.