Vitae mergúllanos nas vantaxes do Cadro de Mando Integral para recursos humanos
mércores, 7 de outubro do 2020
Entre
as conclusións que podemos extraer da actual situación sanitaria e
social atópase unha que entronca directamente coa innovación: cada
día é unha nova oportunidade para formarnos e evolucionar. Se isto
é válido para calquera época previa á crise, agora resulta aínda
máis conveniente, tendo en conta como todo, dende o detalle máis
grande até o máis pequeno, nos reconduce cara ao tecnolóxico e o
renovador. A consultora Vitae aposta directamente por este camiño e
desta aposta xorde o
seu curso Cadro de Mando Integral de Recursos Humanos, que se
ofrece en formato de aula virtual os días 4, 5 e 6 de novembro.
Serán oito horas para consolidar o noso coñecementos avanzado sobre
unha das ferramentas clave para a xestión de traballadores.
Estamos
a falar do Cadro de Mandos Integral (Balanced Scorecard), que
é, segundo lembra Vitae, unha metodoloxía fundamental para o éxito
dunha compañía. O curso busca a axudar aos asistentes a “entender
e coñecer esta ferramenta”, que “se converteu nunha necesidade
para os directivos de Recursos Humanos se queren manter o rol
estratéxico e non só funcional dentro dunha empresa”. Segundo
engade a consultora, “as tendencias do futuro, en particular os
procesos de HR Analitycs, non dependerán só da capacidade de
manexarnos cunha chea de datos sobre os empregados, senón tamén de
ordenalos con criterio estratéxico nun Cadro de Mandos Integral”.
Os
obxectivos da actividade formativa son, en primeiro lugar, entender
que é un Cadro de Mandos Integral e a súa aplicación práctica en
Recursos Humanos, e en segundo lugar coñecer exemplos reais da dita
ferramenta e avaliar a súa utilidade práctica. Tamén se busca
mostrar a ampla variedade de indicadores potencialmente incorporábeis
a un Cadro de Mandos Integral de Recursos Humanos.
O
curso desenvolverase o mércores 4 e o xoves 5 en horario de 16.00 a
19.00 horas e o venres 6 de 16.00 a 18.00 horas, a través da
plataforma virtual de Vitae.
A
persoa encargada de impartir os contidos será Ángel Aledo, director
de RRHH con 27 anos de experiencia en empresa multinacionais
referenciais nos seus sectores, por exemplo Otis, Acciona, Heineken
ou Renault. Ten formación académica en Psicoloxía Industrial,
Executive MBA por INSEAD e Enxeñaría Naval e está afeito a
traballar noutras culturas con responsabilidade sobre 14 países. É
director de Recursos Humanos para o Sur de Europa e Medio Oriente de
Otis Elevators, tendo baixo a súa supervisión os seguintes países:
España, Portugal, Italia, Grecia, Chipre, Turquía, Kuwait, Emiratos
Árabes Unidos, Arabia Saudita, Marrocos e Suráfrica.