Vodafone agasalla aos clientes con datos e chamadas sen límite o 14 de febreiro

luns, 12 de febreiro do 2018 Redacción

Con motivo da celebración do día de San Valentín, este 14 de febreiro, Vodafone vén de pór en marcha unha nova campaña específica ao servizo dos seus clientes e, por suposto, das demandas extra de comunicación e información propias desta data. Segundo informa a compañía, os seus usuarios poderán gozar de chamadas nacionais, así como de datos sen límite para navegar por Internet durante o 14 de febreiro.
O devandito tradúcese no seguinte: os particulares, os profesionais e as pequenas empresas de contrato terán a posibilidade de empregar todo o que queiran calquera aplicación móbil de vídeo, redes sociais, música, etc, sen consumir datos da súa tarifa, en palabras de Vodafone “coa mellor rede 4G do mercado español”. Ademais poderán realizar chamadas nacionais a móbiles e fixos sen custo, excepto a números de tarifas adicionais, números premium, etc. Para gozar desta promoción, os clientes deben acceder á páxina web específica www.vodafone.es/sanvalentin.

PUBLICIDADE