Vodafone impulsa o teletraballo na totalidade das súas plataformas de atención ao cliente
xoves, 16 de abril do 2020
Vodafone
segue avanzando postos entre as operadoras máis activas durante o
Estado de Alarma, achegando solucións, mellorando servizo e poñendo
en marcha iniciativas solidarias. A máis recente contribución da
compañía vai directa aos traballadores das súas entidades
colaboradoras. Vodafone
puxo á sa disposición unha solución pioneira que lles permite
traballar dende os seus domicilios “como o farían no seu posto de
traballo habitual, con independencia de onde se atope o seu fogar”.
Os seus colaboradores (16 provedores) están repartidos en 26
localizacións diferentes e España.
Trátase
de profesionais de atención telefónica en plataformas e call
centers. Desenvolven
algunhas das tarefas máis primordiais da cadea de servizo de
Vodafone: atención ao cliente, información comercial, soporte
técnico, atención en redes sociais e chat para os seus clientes
particulares e empresas. En palabras da operadora, o
fornecemento da dita solución “trátase dun plan de acción sen
precedentes”.
Seguridade
e normalidade
A
solución, “eficaz e segura” en palabras da operadora, permite
seguir prestando un servizo de calidade aos clientes de Vodafone “sen
afectar as taxas de abandono de chamadas” e mantén “a
funcionalidade normal” dos servizos previos a esta crise do
coronavirus. Ademais, os axentes poden acceder a información e
formación específica online, continuando co seu plan de
formación habitual. Ademais, para aqueles axentes que non dispuñan
de conectividade no seu domicilio, Vodafone proporcionoulles un módem
4G que garante que poidan traballar con normalidade ao tempo que
poñen en xogo elementos extra de “seguridade e fortaleza”.