Xa é posible xogar a Apalabrados en éuscaro (e pronto en galego)

venres, 10 de agosto do 2012 Marcus Fernández

O popular xogo de Etermax para dispositivos móbiles, Apalalabrados, recibiu hoxe unha actualización da súa versión para iOS, que mellora a súa seguridade, actualiza os dicionarios de español e catalán e incorpora o éuscaro como idioma, de xeito que chegan así ás 12 linguas incorporadas a un título que podemos considerar como un fenómeno de escala global (o pasado mes de abril superou os 2 millóns de usuarios).
Polo momento, nin a versión para Android nin a de Facebook de Apalabrados recibiron esta última actualización, polo que aínda non poden gozar de partidas en éuscaro.
Dende Etermax aseguran estar en contacto coa Real Academia Galega para que en breve podamos gozar do xogo das palabras cruzadas en galego dende os nosos dispositivos móbiles ou no noso ordenador.

PUBLICIDADE