Balidea pon a punto o xestor de citas do Servizo de Saúde de Cantabria
martes, 19 de xullo do 2016
A
empresa galega Balidea,
centrada no sector das TecnoloxÃas da Información e a Comunicación
(TIC), encárgase dende 2013 do soporte, mantemento e evolución do
Xestor de Citas Corporativo do
Servizo
Cántabro de Saúde (SCS) e
arestora veñen de anunciar unha mellora do mesmo. Esta aplicación
intégrase con todos os sistemas corporativos do SCS, permitindo unha
xestión centralizada da información, cun volume de máis de 2,5
millóns de citas anuais.
E cales son
as vantaxes coas que conta esta plataforma? Pois permite rexistrar e
xestionar de maneira centralizada toda a información administrativa
e asistencial relativa á petición dun servizo de atención
especializada, como unha proba cirúrxica ou diagnóstica e unha
consulta, realizadas dende un centro de atención primaria ou
especializada. Fai máis sinxela a sincronización de datos relativos
a doentes, centros, hospitalizacións e persoal facultativo,
axilizando a axeitada coordinación de datas e horas no caso de citas
múltiples, entre outras cousas.
Cómpre
sinalar que o xestor de citas corporativo do SCS salienta tamén polo
seu doado manexo, cunha interface moi visual e intuitiva. Amais, a
ferramenta é totalmente parametrizábel e modificábel, o que fai
máis doado o seu desenvolvemento e mellora continuas.
Engadir, por
último, que esta achega está operativa en todos os hospitais que
conforman o Servizo Cántabro de Saúde: o Hospital Universitario
Marqués de Valdecilla, os hospitais comarcais de Sierrallana y Tres
Mares e o Hospital Comarcal de Laredo.