En marcha un servizo de videointerpretación para persoas xordas nas urxencias sanitarias
luns, 26 de febreiro do 2024
A Xunta de Galicia pon en marcha un servizo de videointerpretación para dar atención ás persoas xordas nas urxencias sanitarias, tal e como anunciou esta mañá o conselleiro de Sanidade en funcións, Julio GarcÃa Comesaña, no transcurso da súa visita ao PAC da Casa do Mar da cidade herculina, un dos 90 nos que se incorpora este servizo en toda Galicia. Este servizo de videointerpretación estará dispoñible 24 horas e 365 dÃas ano ano no 061, asà como en todos os servizos de urxencias hospitalarias, e en todos os puntos de atención continuada.
No acto de hoxe, no que o conselleiro estivo acompañado polo presidente da Federación de Persoas Xordas, Iker Sertucha, asà como polo director da Axencia para a Modernización Tecnolóxica de Galicia (AMTEGA), Julián Cerviño, o titular da carteira sanitaria remarcou que, con esta medida, a Xunta dá cumprimento a un acordo unánime do Parlamento de Galicia co obxecto de poñer en marcha este servizo a disposición do colectivo de persoas xordas as 24 horas do dÃa na sanidade pública.
Comesaña lembrou que as persoas xordas podÃan acudir á sanidade pública con intérprete a través do convenio que a ConsellerÃa de PolÃtica Social ten coa Federación, por preto dun millón de euros anuais para financiar ese servizo, pero as visitas urxentes á sanidade non se poden programar e solicitar, como esixe ese servizo, e moitas veces se producen a horas nas que non é posible contar fisicamente cun intérprete.
Ao respecto, o conselleiro dixo que o seu departamento decidiu optar por un servizo de videointerpretación, colaborando con quen xa o implantara no ámbito administrativo da Xunta, como era a AMTEGA. Polo tanto, a ConsellerÃa de Sanidade súmase ao acordo que este organismo tiña xa coa Federación de Persoas Xordas e, dentro dese convenio, inclúese o servizo que hoxe se presentou na Casa do Mar.
Comunicación entre persoal sanitario e doente
Comesaña detallou que, a partir de agora, os servizos de urxencias dos 14 hospitais galegos e os 90 Puntos de Atención Continuada terán instalados en todos os seus ordenadores unha plataforma que permitirá abrir videoconferencia dun intérprete de lingua de signos que facilite a comunicación entre persoal sanitario e paciente. Esta plataforma conéctase cun servizo de videointerpretación do que dispón a Federación, e que funciona 24 horas ao dÃa e os 365 dÃas do ano.
O persoal da Federación estivo xa realizando visitas ás áreas de urxencias para asesorar aos responsables no uso deste sistema e, ademais, Sanidade contou con eles para preparar o material formativo que se facilitou aos traballadores destes servizos para familiarizarse con esta plataforma.
O acordo incorpora a un técnico de apoio intérprete de lingua de signos para que estea a disposición do Sergas, co obxecto de coordinar o proxecto e axudar nas novas necesidades de melloras ou de formación que requiran profesionais ou pacientes.
Para o conselleiro, trátase dunha colaboración moi útil entre a Federación, a AMTEGA e o Sergas. Deste xeito, a Federación amplÃa o uso do servizo de videointerpretación que presta aos seus asociados e o leva a novos servizos públicos; a AMTEGA avanza na súa Estratexia Galicia Dixital 2030 para facilitar a accesibilidade da administración a través da tecnoloxÃa; e, pola súa banda; o Sergas consegue dar un paso máis na universalización da sanidade pública.