Luis Sestelo incorpórase á dirección xeral de Coremain

Luis Álvarez Sestelo, anterior xerente de Gradiant, incorporouse este mes a Coremain como director xeral co obxectivo de adaptar a estrutura organizativa da compañía ás novas estratexias que require o actual escenario competitivo.
Sestelo encargarase de liderar e impulsar o cambio en Coremain, aportando a súa experiencia na xestión de talento, en emprendemento interno e novos modelos de xestión, apostando por un marcado xiro cara á xeración de valor aos clientes e á innovación, nun momento no que Coremain está a reforzar a colaboración con outras empresas, centros tecnolóxicos e grupos de investigación universitarios.