Nintendo anuncia que a NX chegará ao mercado en marzo de 2017
mércores, 27 de abril do 2016
- O novo The Legend of Zelda chegará simultaneamente a Wii U e NX
Nintendo
presentou hoxe os resultados
do ano fiscal que remata o 31 de marzo, aproveitando a ocasión para
realizar un comunicado sobre a súa vindeira consola de videoxogos, que leva por
nome clave NX, da que limitáronse a anunciar que o
seu lanzamento está previsto para o mes de marzo de 2017, engadindo que non
se presentará durante a vindeira edición da feira E3 (no mes de xuño), polo que
posiblemente haberá que agardar até a celebración do Tokyo Game Show para
coñecer en profundidade a consola da que cada dÃa circulan máis rumores.
Precisamente o lanzamento da NX vai ter unha consecuencia desafortunada como é
o adiamento do novo xogo de The Legend of
Zelda, que non sairá á venda até 2017 para poder simultanear os lanzamentos
de Wii U e NX deste tÃtulo inicialmente só previsto para Wii U. Neste caso si
afondarán neste novo tÃtulo durante a vindeira edición da feira E3 (que poderá
xogarse por primeira vez na súa versión para Wii U).
Outro importante anuncio de Nintendo é que, tras incidir no grande éxito que
está a ter a súa aplicación social Miitomo, deron conta de que están a preparar
aplicacións móbiles baseadas nas franquÃas Fire
Emblem e Animal Crossing. Con Fire Emblem buscan levar a serie de rol
e estratexia a un público máis amplo sen descoidar a súa calidade, mentres que
con Animal Crossing optarán por
conectar a aplicación co mundo do xogo para consolas, co que confÃan en
multiplicar a diversión.
Como curiosidade podemos comentar que no informe fiscal de Nintendo inclúese o
calendario de lanzamentos de Nintendo para os vindeiros meses, que en Europa
quedarÃa cos seguintes lanzamentos para Wii U: Tokyo Mirage Sessions #FE (24 de xuño), Mario & Sonic en los Juegos OlÃmpicos de RÃo 2016 (24 de xuño),
Paper Mario Color Splash (2016) e The Legend of Zelda (2017). No caso da
Nintendo 3DS os vindeiros lanzamentos serÃan Yo-Kai Watch (29 de abril), Fire
Emblem: Birthright e Conquest (20
de maio), Kirby: Planet Robobot (10
de xuño), Disney Art Academy (15 de
xullo), Metroid Prime: Federation Force (2
de setembro), Dragon Quest VII: Fragments
of the Forgotten Past (2016), Dragon
Quest VIII: Journey of the Cursed King (2016), Rhythm Paradise Megamix (2016) e Pokémon Sol e Luna
(finais de 2016).
