O IES García Barbón de Verín premia os seus mellores blogs
venres, 3 de xuño do 2011
O IES García Barbón de Verín
organizou, a través do seu Departamento
de Orientación e do
profesorado TIC, a cuarta edición do Premio de Blogs Escolares Barbón Blog.
O certame trata de recoñecer e salientar o importante traballo despregado ao
longo destes meses previos polas alumnas e alumnos da escola en materia de comunicación
en liña, nos que puxeron en práctica a súa propia experiencia cun blog, entre
outras actividades de aprendizaxe TIC. Este labor rematou este mes de xuño
cunha sesión
de entrega de Premios na que se valoraron as iniciativas de meirande calado
e orixinalidade.
Segundo comentan os
responsables do concurso, o procedemento de avaliación guíase por distintos
criterios que os mozos e mozas aplican para obter un resultado final cuantitativo que permite identificar os
mellores blogs. Froito da análise realizada por cada un dos estudantes, xorde a
lista de gañadores que presentamos a continuación.
· Primeiro premio (incluíndo
unha cámara dixital de agasallo) para
a bitácora de María Prieto Blanco.
· Segundo premio (incluíndo un
MP5) para o caderno de Rebeca Diz
Queija.
· Terceiro premio (incluíndo
un MP5) para Iván Rodríguez Álvarez.
· Cuarto premio (incluíndo un
MP4) para Alejandro Bolaño Cabido.
· Quinto premio (incluíndo
unha memoria USB) para Javier
Villalobos Santamarina.
· Sexto premio (incluíndo unha
memoria USB) para Sara Fernández Diéguez.
Detrás desta iniciativa de
formación e divulgación TIC atópanse os profesores Daniel Veiga Martínez
(orientador e profesor de novas tecnoloxías) e máis Manuel López Méndez
(profesor de novas tecnoloxías da información).