O Internet Archive permÃtenos xogar de balde a 2.310 xogos para MS-DOS
mércores, 7 de xaneiro do 2015
- O primeiro Prince of Persia é un dos xogos rescatados en Archive.org
O Internet Archive continúa a ampliar a súa oferta de
videoxogos accesibles directamente a través da web como un xeito de
conservación de numerosos tÃtulos clásicos que actualmente non resultan doados
de executar en equipos modernos, xa que precisan de emular sistemas operativo
vellos para o seu uso. Asà temos que grazas ao desenvolvemento dunha versión de
DOSBOX (emulador de MS-DOS) capaz de funcionar nun navegador web, podemos gozar
dunha selección
de 2.310 videoxogos de ordenadores persoais, para o seu goce totalmente de
balde e sen precisar de instalacións de ningún tipo.
- A primeira aventura de Larry Laffer, na que habÃa que combinar o uso dos cursores coa introdución de ordes de texto, pode xogarse agora dende o noso navegador web
Este tipo de iniciativas permiten a conservación de software para a
posteridade, o descubrimento de vellos xogos por parte da xente moza e tamén lembrar
xogos dos que gozamos hai bastantes anos, aÃnda que a experiencia de uso de
cada xogo é bastante desigual, xa que nalgúns casos a emulación de MS-DOS non é
dabondo para facer que o xogo corra á súa velocidade orixinal (facendo que
algún tÃtulo sexa totalmente inxogable).
Entre os xogos que podemos atopar están dende o primeiro Leisure
Suite Larry: Land of the Lounge Lizards até o icónico Prince of Persia,
pasando por xogos como Prehistorik 2,
o cinematográfico Indiana
Jones and The Last Crusade, o primeiro SimCity,
o Metal Gear
para PC ou incluso o célebre Wolfenstein 3D
(precursor dos actuais xogos de acción en primeira persoa). Sen dúbida unha
excelente oportunidade para repasar videoxogos de distintas épocas que tiñan
como denominador común funcionar en ordenadores persoais baixo MS-DOS.
- Prehistorik 2 é un dos xogos que podemos gozar dende o navegador web grazas ao Internet Archive