O galego Anxo Pérez inaugurará o Salón MiEmpresa
xoves, 12 de febreiro do 2015
Será
o vindeiro martes 17 de febreiro cando teña lugar a apertura da VI
edición do Salón MiEmpresa, o meirande encontro de España para
start-ups,
PEME, emprendedores e autónomos que se celebrará no Barclaycard
Center (antigo Palacio de Deportes da Comunidade de Madrid) e que se
prolongará até o 18 do mesmo mes. Emporiso, a inauguración desta
xuntanza correrá a cargo dun galego, Anxo Pérez, fundador de
8Belts.com, unha plataforma en
liña dende a que se promete ensinar a falar chinés en oito meses.
Co
tÃtulo de Rumbo ao
triunfo, este evento
abrirá as súas portas a partir das 9.30 da mañá coa conferencia
Se ves que diluvia, vende
canoas. Segundo conta a
organización, Anxo Pérez é un emprendedor que se fixo a si mesmo:
domina 9 idiomas e é autor do best-seller Os
88 banzos do éxito. En
2014 obtivo o premio Cidadán
Europeo polo Foro Europa
e en 2013 o premio Emprendedor
do Ano de Deloitte.
E
indo ao miolo, o Salón MiEmpresa orientará a máis de 15.000
emprendedores. Bankia volve ser o patrocinador principal desta nova
convocatoria, que conta con Correos como copatrocinador e co respaldo
de Madrid Emprende, a marca baixo a que o Concello de Madrid impulsa
todos os seus servizos de promoción empresarial.
Logo
da inauguración, entregaranse dous premios a organizacións
comprometidas co apoio ao emprendemento, recoñecendo a súa
traxectoria e adicación continua a este colectivo.
Para
obter máis información ao respecto cómpre visitar a
ligazón especÃfica do evento.