O prometedor xogo Destiny desenvolverá a súa beta na segunda metade deste mes

Bungie, a compañía que levou a saga Halo a converterse nun dos meirandes éxitos do sector dos videoxgoos, quere agora cativas aos usuarios de todo o mundo co seu novo título, Destiny, que transcorrerá nun nutrido e futurista mundo en liña e que, aínda que non chegará ás tendas até o 9 de setembro, ofrecerá aos que o reserven a posibilidade de gozar da súa versión de proba en breve. Concretamente a beta de Destiny iniciará para PS3 e PS4 o vindeiro 17 de xullo, mentres que os usuarios de Xbox 360 e Xbox One deberán agardar ao 23 de xullo para poder gozar deste xogo de acción en primeira persoa.
A beta de Destiny transcorrerá até o 28 de xullo, aínda que terá unha parada por mantemento os días 21 e 22 de xullo, polo que o tempo de goce do título non será máis que un aperitivo do que ofrecerá o título final, que promete evolucionar constantemente durante o seu ciclo de vida.
Cómpre destacar que para o día 26 de xullo está programada a celebración do Beta Rally, xornada na que farase un reconto de participantes desta fase de proba, que poderán recibir recompensas especiais por facer acto de presenza en tal data.