Os videoxogos e a robótica destacan entre a futura oferta de mestrados da UDC
luns, 16 de xaneiro do 2017
O reitor da Universidade da Coruña, Julio Abalde, presentou
esta mañá, primeiro ante os decanos e directores de centros, e logo a medios de
comunicación, a proposta
de novas titulacións nas que se traballa para implantar no Campus de Ferrol nos
vindeiros cursos. A proposta que se manexa prevé que se implanten as novas
titulacións en dous cursos.
Curso 2018/2019:
- Grao en Xestión Industrial da Moda,
con 45 prazas
- Mestrado Universitario en Deseño
Industrial coas especialidades de Xoias, Mobles e Automoción (20 prazas)
- Mestrado Universitario en Deseño,
Desenvolvemento e Comercialización de Videoxogos (20 prazas)
Curso 2019/2020:
- Mestrado Universitario en Deseño,
Desenvolvemento e Comercialización de Moda (20 prazas)
- Mestrado Universitario en Informática
Industrial, Automática e Robótica (20 prazas)
A implantación de novas titulacións forma parte das liñas estratéxicas
previstas na especialización do Campus de Ferrol como Campus Industrial de
Ferrol. Con esta proposta, manifestou o reitor esta mañá, buscouse ter unha
oferta académica atractiva que complemente as actuais titulacións existentes no
Campus de Ferrol, e dirixida a sectores económicos e sociais estratéxicos para
Galicia e para o resto de España xa que os tÃtulos terán un alto enfoque
práctico e profesionalizante.
O Mestrado en Deseño, Desenvolvemento e Comercialización de Videoxogos, tamén
de 120 créditos, está pensado para especializar a titulados de Deseño,
Comunicación Audiovisual, Informática, EnxeñarÃa Electrónica e Industrial,
entre outros perfÃs de ingreso. O Mestrado en Informática Industrial,
Automática e Robótica será interuniversitario.
Abalde declarou que esta proposta é «ambiciosa e coa que queremos que o Campus
de Ferrol sexa un referente para os distintos sectores económicos implicados».