Xa podemos descargar as aplicacións móbiles para seguir os resultados electorais
xoves, 23 de xuño do 2016
Ante a proximidade dos comicios electorais cómpre dar conta
dos recursos oficiais cos que contaremos na xornada do domingo, que, aparte da
pertinente páxina
web oficial onde está centralizada toda a información sobre as Eleccións Xerais
2016, as ferramentas máis prácticas para os cidadáns serán sen dúbida as
aplicacións móbiles oficias, de xeito que xa podemos descargar de balde a aplicación
Elecciones Generales 2016 de Google
Play, da
App Store e da
tenda de aplicacións para móbiles con Windows Phone 8/8.1 e Windows 10,
estando adaptadas as versións para Android e iOS tanto a teléfonos como a
tabletas.
Estas aplicacións móbiles permitirán consultar os resultados do escrutinio
provisorio das Eleccións Xerais do vindeiro domingo, contando con información
en tempo real e distintos niveis de segregación: Total Estatal, Comunidade,
Provincia, Concellos e Distritos (nalgunhas cidades). Amósanse tanto o número
de votos e a súa porcentaxe por circunscrición e amósase tamén o número de
deputados e senadores electos.
Cómpre salientar que as aplicacións móbiles tamén permiten consultar os avances de participación e contan cunha interface localizada ao español, ao catalán, ao éuscaro e ao galego.