O lanzamento europea da PlayStation 3 vai ser problemático, e agora o xefe de produto de PlayStation, Ken Kutaragi, admitiu problemas na produción da nova consola de Sony para territorios PAL (o sistema de vídeo europeo) de xeito que a PS3 en vez de chegar en marzo (o que xa é bastante retraso) tería que agardar ó mes de maio para chegar ás tendas españolas.
Este retraso non tería que ver directamente cos modelos europeos da consola, senón que respondería ós retrasos de fabricación de consolas para Xapón e EE.UU., de xeito que os recursos destinados para as consolas PAL se empregarían para as unidades NTSC, para así poder atender á súa demanda no mercado.
De feito, parece que Sony vai ter moitos problemas para achegar a suficientes unidades da PS3 durante as primeiras semanas, pois as tendas que permiten reservar a consola mediante un depósito de 100 dólares xa non aceptan máis encargos. O excesivo prezo da PS3 non parece ser un freo para absorber o limitado número de unidades que chegarán ás tendas nas primeiras semanas (ou tal se pode deducir do feito de que se esgotaran as reservas de unidades).
A PS3 podería retrasarse en Europa ata o mes de maio
Compartir Este Artigo
- Unha de cada catro empresas galegas con dez ou máis persoas empregadas utiliza intelixencia artificial
- O VI Encontro CIBER.gal, que se celebrará do 4 ao 6 de novembro na Cidade da Cultura, abriu o prazo de inscrición
- A Xunta destaca o papel das telecomunicacións como ferramenta para garantir a seguridade das persoas e do territorio
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
