A identidade do falso Steve Jobs ó descuberto

Os blogs paródicos nos que se suplanta de xeito humorístico a un persoeiro é xa todo un xénero na Rede, sendo o seu estandarte a bitácora do falso Steve Jobs (un dos fundadores de Apple) que era todo un misterio ante a incógnita da súa autoría, que vén de desvelarse, xa que The New York Times deu a coñecer a identidade do seu responsable, que resultou ser Daniel Lyons, un editor de tecnoloxía da revista Forbes, quen xa non podía ocultarse por máis tempo xa que en outubro publicará o libro Options: The Secret Life of Steve Jobs, a Parody, no que continuará a mesma fórmula que lle deu o éxito na blogosfera.

Durante o mes de xullo o blog do Fake Steve acadou unhas 700.000 visitas, e o pasado domingo publicou dun xeito bastante simpático (cunha fotografía policial dun cadelo) a descuberta da identidade do seu autor, destacando a súa sorpresa por ser quen de manter o misterio durante un ano, e que os blogs tecnolóxicos non fosen capaces de adiantarse ó xornal neoiorquino que rematou coa incógnita.