Nova plataforma para incluír publicidade nos vídeos incrustados en páxinas web

O portal de vídeos Heavy.com abre a súa plataforma publicitaria a calquera que inclúa vídeos nas súas páxinas web e blogs mediante un reprodutor multimedia de Husky Network que incorpora publicidade ó redor dos vídeos a reproducir (a xeito de marco) compartindo cos responsables das webs os beneficios acadados por estes impactantes anuncios.
A nova solución fuxe así das solucións habituais de publicidade dentro dos vídeos, e permite elixir entre 3 opcións de integración: cun reprodutor multimedia personalizado (ou sexa, cunha integración absoluta), cunha fiestra emerxente e cunha capa sobreimpresa na que se abre o vídeo e a súa publicidade (sistema moi elegante de amosar os clips).
Con esta solución, os blogs que empregan vídeos de YouTube, Revver ou MySpace poden incorporar esta plataforma publicitaria de xeito doado.