O vindeiro luns cumpriranse 40 anos da chegada do Apolo XI á lúa, e para celebrar o momento no que Neil Armstrong e Buzz Aldrin pisaron o satélite veciño farase unha reconstrución na páxina web We Choose The Moon, que neste momento presenta unha conta atrás.
Este espazo presentará moita máis información da que se puido ver en 1969 a través dos medios de comunicación tradicionais, sendo posible facer un seguimento minuto a minuto durante os catro días de emisión.
Entre o material que poderemos consultar estes días na web estarán as gravacións das comunicacións entre os lendarios astronautas e os técnicos do Centro de Control en Houston, os rexistros da NASA, as imaxes, as fotografías, os sons e incluso contará cun servizo de alertas para informar aos usuarios dos acontecementos chave.
Eses contidos serán accesibles durante máis dun ano, para que os internautas poidan revisar a información recompilada para conmemorar a chegada do home á Lúa.
Unha web permitirá revivir a chegada á Lúa
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
