Barcelona estrea unha rede Wi-Fi de libre acceso

A rede de acceso sen fíos á Internet coñecida polo nome de Barcelona WiFi que pretende chegar aos 500 hotspots na cidade condal a finais de 2010 botou a andar esta semana oficialmente, de xeito que os cidadáns poden comezar a beneficiarse do acceso á Rede operativo dende 170 puntos sinalizados cun W, entre os que están centros cívicos, bibliotecas, oficinas de atención ao cidadán, centros deportivos, ou mercados.
Esta infraestrutura, segundo sinalou o tenente de alcalde de Urbanismo, Ramón García-Bragado, Barcelona WiFi «non se trata dun servizo comercial nin profesional, senón cidadán». Pero o acceso nos distintos puntos estará limitado, de xeito que en museos, parques ou polideportivos cada dispositivo só poderá acceder á Rede 60 minutos ao día, mentres que no resto de localizacións non se limitará o tempo de acceso, aínda que si existirán restricións como a imposibilidade de acceder a páxinas web de apostas, pornografías, descargas de contidos audiovisuais, telefonía IP ou videoconferencia, polo que esta rede de balde non sería unha competencia real das redes de datos comerciais.