Facebook chega aos 350 millóns de usuarios con melloras na súa privacidade

Logo de que un Informe da Comisión de Privacidade de Canadá asegurara que a rede social máis popular do mundo, Facebook, “non fai o suficiente para protexer a información persoal que obtén dos seus membros”, unha opinión compartida por outros moitos detractores da web, Mark Zuckerberg, o creador deste espazo virtual que a día de hoxe alberga xa a 350 millóns de usuarios en todo o mundo, vén de apresurarse a enviarlle unha carta aberta a tódolos usuarios, na que explica os seus plans máis próximos para coa compañía e entre os que inclúe mellorar a privacidade dos seus membros.
No seu escrito, Zuckerberg admite que a privacidade dos usuarios da súa rede social é un dos puntos fracos e máis criticados desta ferramenta que creou sendo só un mozo, unha ferramenta de dubidosa utilidade (aínda que sí moi interesante para non perder o contacto con amigos que viven lonxe de nós e para pasar o tempo a golpe de rato) que leva imaxes, comentarios, vídeos ou ligazóns “subidas” polos seus membros a calquera recuncho do planeta no que haxa un fío de conexión.
Zuckerberg sinala que, malia que Facebook “xira en torno ás redes”, é dicir, comunidades vinculadas cos nosos centros de estudios, empresas ou rexións, “este formato non é o máis axeitado para que os usuarios teñan o control da súa privacidade”.
eliminar totalmente as redes rexionais e crear un modelo máis simple para o control da privacidade”.
Asemade, estas medidas concretaranse na simplificación da páxina de configuración da privacidade, de modo que cada usuario poida establecer cal é a privacidade que máis se adapta ás súas necesidades. O usuario poderá controlar, entre outras cousas, quén ve os contidos creados ou cargados en Facebook, un por un.