A policía identifica a un motorista gamberro grazas a un vídeo de Internet

Se hai algunha actitude máis surrealista (e estúpida, dito sexa de paso) que meterse cunha moto dentro dun centro comercial dar unha volta polo recinto poñendo en perigo a vida dos transeúntes e sair sen máis, iso é colgar o vídeo da fazaña en Youtube, para que todo o mundo, de paso tamén a policía, poida comprobar o grao de idiotez do individuo. Pois isto foi o que sucedeu hai dous anos nun centro comercial de Narón, onde dous veciños da zona metéronse coa súa moto no interior do recinto e grabaron a escea co teléfono móbil para logo descargar o vídeo e penduralo en Internet.
Tal e como se ve na grabación, que publica hoxe o xornal dixital La Voz de Galicia, varias persoas que estaban no centro comercial tiveron que separarse para non ser arroiadas, antes de que o piloto decidira abandoar o recinto por outra porta que se abre automaticamente ao aproximarse.
Debido a que naquel momento o conductor era menor, a policía, que non tivo problema algún para identificar aos motoristas unha vez visto o vídeo na Rede, limitouse a informar á Fiscalía de Menores para que resolvera o caso e decidira que facer cos dous individuos, clientes habituais do Centro comercial.