Coremain convértese en partner de Kaspersky Lab

Kaspersky Lab, líder en desenvolvemento de solucións de seguridade informática, e Coremain, empresa consultora en Tecnoloxías da Información e Comunicacións, asinaron un acordo de colaboración segundo o cal a consultora galega convértese en partner corporativo de Kaspersky Lab. Mediante este acordo, Kaspersky Lab amplía a súa rede de socios no norte da península para as súas solucións empresariais, área de crecemento clave para a expansión da compañía.
Este acordo forma parte da estratexia de expansión de Kaspersky Lab no mercado corporativo, xa que un dos principais obxectivos da compañía de cara aos próximos anos é consolidarse como provedor líder no segmento da seguridade para empresas. José Manuel Delgado, Director de Solucións Empresariais de Kaspersky Lab Iberia asegurou que «a forte presenza de Coremain en mercados como a sanidade, a industria ou a administración pública, será fundamental na nosa estratexia corporativa», ao que engadiu que «estamos seguros de que a colaboración con Coremain será beneficiosa tanto para nós coma para os nosos clientes».
Pola súa banda, Ana Táboas, Directora de Solucións de Coremain, comentou que «para nós é fundamental poder ofrecer solucións de seguridade fiables tecnoloxicamente e adaptables ás necesidades propias de cada empresa. Confiamos plenamente na tecnoloxía de Kaspersky Lab, polo que cremos que poderemos chegar a proxectos moi interesantes de forma conxunta».
Grazas a este acordo ambas as dúas empresas poñen en común dous activos fundamentais: a tecnoloxía máis avanzada en software de seguridade de Kaspersky Lab xunto coa experiencia en servizos profesionais de Coremain, co fin de garantir unha solución de seguridade completa e adaptada ás necesidades específicas de cada empresa.