A páxina web da Xunta é a 3ª máis accesible das comunidades autónomas españolas

O último informe do Observatorio de Accesibilidade do Ministerio de Política Territorial e Administración Pública sitúa á páxina web da Xunta de Galicia como a terceira máis accesible de todos os portais corporativos das comunidades autónomas de España, confirmando o compromiso da Administración galega co principio de accesibilidade, para evitar que ningunha persoa quede excluída do acceso á Administración pública a través da Internet.
Para avanzar neste ámbito, a Secretaría Xeral de Modernización puxo en marcha este ano un sistema de videointerpretación en lingua de signos que garante o acceso a persoas xordas á liña de atención telefónica 012, para o que asinouse un convenio entre a Xunta e a Federación de Asociacións de Persoas Xordas de Galicia.
A páxina web da Xunta de Galicia tamén conta cun sistema de conversión de texto a voz que facilita que as novas da súa páxina web poidan escoitarse dende o ordenador.