Unha solución contra o correo lixo gaña o 11º Concurso de Proxectos Tecnolóxicos

O pasado venres tivo lugar en Expourense o 11º Concurso de Proxectos Tecnolóxicos no que participaron titulados das distintas escolas en Informática e Telecomunicacións das universidades galegas, resultando galardoado Wirebrush4spam, un proxecto de David Ruano, estudante da ESEI do campus de Ourense, que consiste nunha ferramenta de filtrado de correos lixo que asegura mellorar o rendemento dos servizos de seleccións facéndoos máis rápidos e efectivos que os existentes no mercado e que permite filtrar correos en función da actividade da empresa.
Os premios teñen unha dotación total de 2.400 euros, e tamén recoñeceron os proxectos de Macías López (Universidade da Coruña) e Lilian Adkinson (Universidade de Vigo), polos seus traballos de construcións dun servidor externo para a televisión dixital interactiva (adquirido por R e actualmente en funcionamento) e un sistema de cifrado de documentos que pode aplicarse en Google Docs respectivamente.
Na categoría Técnica seleccionáronse 2 traballos: a aplicación web Angueira que busca mellorar a comunicación interna nas empresas e foi desenvolvida por Martín Padín (Universidade de Vigo) e un sistema de control mediante voz dun robot móbil elaborado por Jesús Pérez (Universidade da Coruña).