Elmarisconoescaro.com dáse a coñecer en Madrid dun xeito divertido e orixinal

Na pasada edición de Compostweets puidemos coñecer a plataforma viguesa de comercio electrónico Elmarisconoescaro.com, que destacaba polo seu lema de que “marisco a prezo de pizza”, en continuando coa súa proposta orixinal decidiron facer as maletas e viaxar á capital do Estado, onde emprenderán unha campaña promocional na que un buzo das Rías Baixas estará o vindeiro sábado e luns polas estacións de metro de Madrid. Nesta ocasión o lema empregado é #UnBuzoEnMadrid.
Animan ao público a tirar fotografías co divertido buzo e compartilas na Rede, de xeito que a que reciba máis me gusta farase cunha mariscada para 3 persoas de agasallo. A localización do buzo poderá coñecerse a través de pistas que ofrecen a través de Facebook.
Esta curiosa iniciativa é obra doutra participante na pasada edición de Compostweets, Raquel Lemos, máis coñecida como Publiwoman, que destaca sempre pola súa frescura e orixinalidade.

Vídeo promocional desta curiosa campaña publicitaria