Apróbase a Axenda Dixital para España

O Consello de Ministros aprobou hoxe a Axenda Dixital para España, que marca o itinerario para o cumprimento dos obxectivos da Axenda Dixital para Europa en 2015 e en 2020, e incorpora obxectivos específicos para o desenvolvemento da economía e a sociedade dixital en España.
Dende a Comisión Europea sinalan que a Axenda Dixital para Europa permitirá un incremento do PIB nun 5% durante os vindeiros 8 anos mediante o aumento do investimento nas TIC, a mellora da capacitación dos traballadores e o pulo á economía da Internet.
A Axenda Dixital para España contén 106 liñas de actuación estruturadas en torno a 6 grandes obxectivos: fomentar o despregamento de redes ultrarrápidas, desenvolver a economía dixital, mellorar a administración electrónica e os servizos públicos dixitais, reforzar a confianza no ámbito dixital, impulsar a I+D+i nas industrias de futuro e apoiar a inclusión dixital e a formación de novos profesionais TIC. Para tal fin desenvolveranse 9 plans que abordarán os distintos ámbitos de actuación, afectando tanto á relación dos cidadáns coa Administración ata a inclusión dixital, pasando polos distintos aspectos do comercio electrónico e a mellora das infraestruturas.
Esta Axenda elaborouse mediante un proceso aberto, transparente e participativo no que contouse coa colaboración dos actores implicados do sector, e establece unha estrutura de goberno orientada á transparencia e á colaboración, tanto cidadá como dos axentes económicos e sociais e doutros Administracións no seguimento e adecuación das actuacións.